भक्तपुर । राष्ट्रिय स्वतन्त्र पार्टीका सभापति रवि लामिछानेले आफूलाई रिहा गर्न माग गरेको निवेदनमाथि सुनुवाई गर्दै जिल्ला अदालत रुपन्देहीले लामिछानेलाई थुनामै पठाउने आदेश जारी गरेको हो। रुपन्देही कारागारमा पुर्पक्षको लागि थुनामै रहेको लामिछानेले जिल्ला अदालत रुपन्देहीमा आफूलाई रिहा गर्न माग गरेर गत साउन १८ गते निवेदन दिएका थिए। सो निवेदनउपर आज न्यायाधीश नारायणप्रसाद सापकोटाको इजलास सुनुवाई भएको थियो। लामिछानेले निवेदनसँगै बिगोबापतको २ करोड ७४ लाख ८४ हजार रुपैयाँको बैंक ग्यारेन्टी बुझाइसकेको अवस्थामा मुद्दाको सुनुवाइ अघि बढेको थियो।