भक्तपुर । काठमाडौं महानगरपालिकाका प्रमुख बालेन्द्र शाह (बालेन) ले प्रधानमन्त्री केपी शर्मा ओली चीन भ्रमणमा गएका बेला लिपुलेक अतिक्रमणबारे कुरा उठाउन आग्रह गरेका छन्। शनिबार प्रधानमन्त्री ओलीसहितको प्रतिनिधिमण्डल चीनतर्फ लागेपछि मेयर बालेनले सामाजिक सञ्जाल फेसबुक मार्फत नेपालको लिपुलेक नाकाबाट व्यापार पुनः सञ्चालन गर्ने भारत–चीनको सहमतिले नेपालको सार्वभौमिकतामाथि अतिक्रमण गरेको भन्दै यसबारे कुरा उठाउन आग्रह गरेका हुन्। उनले लेखेका छन्, ‘चीन भ्रमणको शुभकामना प्रधानमन्त्रीज्यू। नेपालको लिपुलेक नाकाबाट व्यापार पुनः सञ्चालन गर्ने भारत–चीनको सहमतिले हाम्रो सार्वभौमिकतामाथिको अतिक्रमण गरेको छ, त्यो हाम्रो नै हो भन्ने कुरा चीनलाई सम्झाउन नबिर्सनु होला। अल द बेस्ट हामीलाई तपाईंमाथि पूर्ण विश्वास छ।’ मेयर बालेनले उक्त पोष्ट गरेपछि सामाजिक सञ्जालमा अहिले भाइरल भै रहेको छ ।