भदौ १९ अर्थात कृष्ण जन्माष्टमीमा रिलिजको तयारीमा रहेको फिल्म ‘बाः एक योद्धा’ रसुवा बाढीको कारण देखाई निर्धारित मितिबाट प्रदर्शन सर्दै मंसिर २४ गतेलाई प्रदर्शन मिति तय गरिएको थियो । तर, अब भने यो फिल्मले फेरि ‘यूटर्न’ अब यो फिल्म असोज ९ गते देखि ‘आचार्य’ र ‘जदौ’ सँगै प्रदर्शन गरिने भएको छ । निर्माणा पक्षले असोज ३१ गतेदेखि सुरु हुने दशैं बिदालाई लक्षित गर्दै फिल्मको प्रदर्शन मिति तय गरेको देखिन्छ । संगीतकार हरि लम्सालको लेखन तथा निर्देशनमा बनेको यस फिल्ममा दिव्यदेव, झरना थापा, सुहाना थापा,माओत्से गुरुङ, सागर खनाल, सुप्रज्ञा शर्मा, शिशिर सिवाकोटीलगायतका कलाकारहरूको अभिनय रहेको छ । आर्टिस्टिक इन्टरटेनमेन्टको ब्यानरमा निर्माण भएको फिल्मका निर्माता वसन्त लम्साल हुन् । अनिल बुढाथोकी कार्यकारी निर्माता रहेको फिल्ममा कृष्ण काफ्ले सह(निर्मातामा छन् । फिल्ममा शिवराम श्रेष्ठको छायाकंन, मित्र डी गुरुङको सम्पादन, हरि लम्सालको संगीत, रोमन बज्राचार्यको पार्श्व संगीत तथा सुरेन राईको नृत्य निर्देशन रहेको छ । फिल्मले सन्तानको भविष्यका लागि बुबाले गर्ने संघर्षको कथा प्रस्तुत गर्ने जनाइएको छ